சிறுமியை கர்ப்பிணியாக்கிய ஆசாமி சிக்கினார்

Report
1083Shares

தமிழகம் கோயம்பேட்டு பகுதியில் கர்ப்பமாக்கி ஏமாற்றியதால் மனமுடைந்த சிறுமி திராவகம் அருந்தியுள்ளார்.

இதனால் மருத்துவனையில் குழந்தை இறந்து பிறந்துள்ள நிலையில், கூலித்தொழிலாளி ஒருவர் கைது செய்யப்பட்டுள்ளார்.

சென்னை கோயம்பேடு, நெற்குன்றம், கிருஷ்ணா நகரில் வசித்து வருபவர் சசிகுமார் (வயது 23). கோயம்பேடு சந்தையில் கூலித் தொழிலாளியாக வேலை பார்த்து வந்தார்.

இவருக்கும், நெற்குன்றம் பகுதியைச் சேர்ந்த 16 வயது சிறுமி ஒருவருக்கும் இடையே பழக்கம் ஏற்பட்டது.

சிறுமியை திருமணம் செய்து கொள்வதாக ஆசை வார்த்தை கூறி சசிகுமார் பலமுறை ஏமாற்றி பாலியல் வன்புணர்வுக்கு உட்படுத்தியுள்ளார், இதில் அந்த சிறுமி கர்ப்பிணியாகியுள்ளார்.

இந்த தகவல் சிறுமியின் பெற்றோருக்கு தெரியவந்தது. இதனால் பிரச்சினை ஏற்பட்டது. மனமுடைந்த சிறுமி, வீட்டில் இருந்த திராவகத்தை அருந்தியுள்ளார்.

உடனே அவளை சென்னை எழும்பூர் அரசு மகப்பேறு மருத்துவமனையில் சேர்த்தனர்.

அங்கு தீவிர சிகிச்சை அளிக்கப்பட்டது. அப்போது சிறுமிக்கு குழந்தை இறந்து பிறந்ததாக தெரிகிறது.

இதுகுறித்து வழக்குப்பதிவு செய்த கோயம்பேடு பொலிஸார், சசிகுமாரை கைது செய்து, நீதிமன்றத்தில் முன்னிலைப்படுத்திய நிலையில் அவர் விளக்கமறியலில் வைக்கப்பட்டுள்ளார்.

45277 total views