ஓஷ்வாவில் மர்மான முறையில் ஆணின் சடலம் கண்டெடுப்பு - அச்சத்தில் அப்பகுதி மக்கள்!

Report

ஓஷ்வாவின் வடபகுதி கிராமம் ஒன்றின் வீதி ஓரத்தில் இந்த வார ஆரம்பத்தில் ஆண் ஒருவரின் சடலம் கண்டெடுக்கப்பட்டதால் அப்பகுதி மக்களுக்கு மிகுந்த அச்சத்தில் உள்ளனர்.

குறித்த பகுதியில் உள்ள ஸ்டீவன்சன் வீதியில், கடந்த புதன்கிழமை காலை 8.15 அளவில் வாகனத்தில் சென்றுகொண்டிருந்த பணியாளர் ஒருவர், வீதியின் மேற்கு கரையில் சடலம் இருப்பதை கண்டு பொலிஸாருக்கு தகவல் கொடுத்துள்ளார்.

இதையடுத்து,சம்பவ இடத்துக்கு விரைந்த வந்த பொலிஸார், சடலத்தில் பலத்த உயிருக்கு ஆபத்தான காயங்கள் காணப்பட்டதனை அவதானித்துள்ளார்.

இதனை தொடர்ந்து, மேற்கொள்ளப்பட்ட விசாரணையில் குறித்த நபர் ஒன்ராறியோ, கிச்சனர் பகுதியைச் சேர்ந்த 43 வயது ஜேசன் ஜோன் பிரவுன் என்று அடையாளம் காணப்பட்டுள்ளதாக ஒன்ராறியோ மாகாண பொலிஸார் நேற்று தகவல் வெளியிட்டனர்.

இதில், அந்தச் சடலம் மீதான உடற்கூற்று பரிசோதனைகளும் நேற்று நிறைவு பெற்றுள்ள நிலையில், குறித்த அந்த நபர் கொலை செய்யப்பட்டுள்ளமை உறுதி செய்யப்பட்டுள்ளது.

குறித்த அந்த நபர் காணாமல் போனதாக ஏற்கனவே செவ்வாய்க்கிழமை மாலை 6.30 அளவில் முறைப்பாடும் செய்யப்பட்டுள்ள நிலையில், சம்பவம் தொடர்பிலான மேலதிக விசாரணைகளை ஒன்ராறியோ மாகாண பொலிஸாருடன் இணைந்து டூர்ஹம் பிராந்திய பொலிஸார் மற்றும் வோட்டலூ பிராந்திய பொலிஸார் முன்னெடுத்து வருகின்றனர்.

மேலும் சம்பவம் தொடர்பாக தகவல் தெரிந்தவர்கள் 1-888-310-1122 or Crime Stoppers at 1-800-222-8477 என்ற எண்ணுக்கு தொடர்பை ஏற்படுத்துமாறு கேட்டுக்கொண்டுள்ளனர்.

565 total views