ஜமால் கசோக்கி படுகொலையில் சவுதி மன்னருக்கு தொடர்பு! ஐ.நா. விசாரணைக்கு வலியுறுத்து!

Report

துருக்கி பத்திரிகையாளர் ஜமால் கசோக்கி படுகொலையில் சவுதி மன்னருக்கு தொடர்புள்ளதாகவும், இந்த கொலை தொடர்பாக ஐ.நா. சபை சர்வதேச விசாரணை நடத்த உத்தரவிட வேண்டும் என வலியுறுத்தியுள்ளது.

சவுதி அரேபியாவை சேர்ந்த பத்திரிகையாளர் ஜமால் கசோக்கி, துருக்கியின் இஸ்தான்புல் நகரில் உள்ள சவுதி துணை தூதரகத்திற்கு கடந்த ஆண்டு அக்டோபர் 2-ம் தேதி, சென்றபோது படுகொலை செய்யப்பட்டார்.

இதில் சவுதி அரசுக்கு தொடர்பு இருப்பதாக குற்றச்சாட்டு உள்ள நிலையில் சவுதி அரசு இதனை மறுக்கிறது.

இதற்கிடையே, ஜமால் கசோக்கியின் கொலை குறித்து விசாரணை நடத்த ஐ.நா சபையின் சிறப்பு அறிக்கையாளர் ஆக்னஸ் கலாமார்ட், கடந்த ஜனவரி மாதம் துருக்கி சென்றார். அங்கு அவர் பல்வேறு கட்ட விசாரணைகளை நடத்தி முதல் அறிக்கையை வெளியிட்டிருந்தார்.

அதில் சவுதி அரேபிய அதிகாரிகளால் முன்னதாகவே திட்டமிடப்பட்டு மிருகத்தனமாக ஜமால் கசோக்கி கொலை செய்யப்பட்டுள்ளதாகவும், இது தொடர்பாக குற்றவாளிகள் 11 பேர் கைது செய்யப்பட்டு நடைபெற்று வரும் விசாரணையில் வெளிப்படைத்தன்மை மற்றும் நேர்மை கவலை அளிப்பதாக உள்ளதாகவும் அவர் குறிப்பிட்டுள்ளார்.

அத்துடன் இது சம்பந்தப்பட்ட ஆதாரங்களை பெறுவதற்காக, சவுதி அரேபியாவிற்கு அதிகாரப்பூர்வமாக செல்ல அனுமதி கேட்டுள்ளேன். ஜமால் கசோக்கியின் கொலை தொடர்பான விசாரணையின் இறுதி அறிக்கை வரும் ஜூன் மாதத்தில் ஐ.நா. மனித உரிமை கவுன்சிலிடம் சமர்ப்பிக்கப்படும் எனவும் அவர் குறிப்பிட்டுள்ளார்.

மேலும் இதுதொடர்பாக, ஐ.நா சபையின் சிறப்பு அறிக்கையாளர் ஆக்னஸ் கலாமார்ட் செய்தியாளர்களிடம் கூறுகையில், ஜமால் கசோக்கி படுகொலையில் துருக்கி மன்னர் சல்மானுக்கு தொடர்புள்ளது என்பதற்கான ஆதாரம் கிடைத்துள்ளதாகவும், எனவே, ஜமால் கசோக்கி கொலை தொடர்பில் ஐ.நா. சபை பொது செயலாளர் அண்டோனியோ குட்டரஸ் சர்வதேச விசாரணை நடத்த உத்தரவிட வேண்டும் எனவும் அவர் தெரிவித்துள்ளார்.

2711 total views