கொரோனாவை ஒழிப்பது போல அவர்களை ஒழிப்பேன் - ட்ரம்ப் சபதம்!

Report

அமெரிக்காவில் நடைபெற்ற சுதந்திர தின விழாவில் கொரோனா வைரஸை ஒழிப்பது போல எதிரிகளும் ஒழிக்கப்படுவார்கள் என அதிபர் ட்ரம்ப் பேசியுள்ளமை பரபரப்பை ஏற்படுத்தியுள்ளது.

அமெரிக்காவின் 244வது சுதந்திர தினம் நேற்று நாடு முழுவதும் கொண்டாடப்பட்டது.

வழக்கமாக வாண வேடிக்கை, ராணுவ அணிவகுப்பு என கோலாகலமாக கொண்டாடப்படும் சுதந்திர தின விழா இந்த முறை கொரோனா தொற்று காரணமாக மிகவும் எளிய முறையிலேயே கொண்டாடப்பட்டுள்ளது.

இந்நிலையில் வெள்ளை மாளிகையில் மக்களுக்கு உரை நிகழ்த்திய ட்ரம்ப்,

அமெரிக்காவில் கொரோனா பரிசோதனைகள் அதிகமாக இருப்பதானாலேயே பாதிப்புகளும் அதிகமாக உள்ளன. இந்த நிலை விரைவில் சரியாகும். அமெரிக்காவில் நவீன மருத்துவ வசதிகள், மருந்துகள் என அனைத்தும் உள்ளன. விரைவில் அமெரிக்காவில் நிலைமை சீராகும் என நம்பிக்கை வெளியிட்டார்.

அமெரிக்காவில் கொரோனா வைரசை தோற்கடிப்பது போலவே தீவிர இடதுசாரிகள், மார்க்சிஸ்டுகள் மற்றும் பிரிவினைவாதிகள் என அனைவரும் தோற்கடிக்கப்படுவர் எனவும் அவர் கூறினார்.

அத்துடன் அமெரிக்காவில் உள்ள கோபமடைந்த கும்பல்கள் சட்டத்தை நசுக்குவதையும், வரலாற்றை அழிப்பதையும் நாம் அனுமதிக்க கூடாது' என்றும் டிரம்ப் இதன்போது தெரிவித்தார்.

8623 total views